"Törkiyӓneň Kovid -19 êpidemiyӓse belӓn körӓşe ürnӓk itep kürsӓtelä"

Törkiyӓ ilbaşı Rӓcӓp Tayyip Ӓrdoğan Törkiyӓneň Kovid -19 êpidemiyӓse belӓn körӓşeneň Bötendönya sӓlamӓtlek saqlaw oyışması hӓm Könbatış matbuğat organnarı tarafınnan ürnӓk itep kürsӓtelüen belderde.

Ul bu xaqta Hasankeyf-2 küperen açu tantanasında yasağan çığışında citkerde.

İlbaşı tantanağa İstanbuldağı Hüber sarayınnan turıdan turı êfirda qatnaştı.

Ӓrdoğan üz çığışında Törkiyӓneň sӓlamӓtlek saqlaw tarmağında başqarğan êşlӓrenӓ tuqtalıp ,” Bezneň watandaşlarıbız mediśina xezmӓtlӓre öçen çit illӓrgӓ kitmilӓr. Kiresençӓ, çit il keşelӓre Törkiyӓgӓ kilgӓndӓ bezneň yullarıbızğa, küperlӓrebezgӓ, hawa mӓydannarıbızğa könlӓşep qarıy” dide.

İlbaşı: “Yıl sayın yöz meňlӓgӓn çit il keşelӓre Törkiyӓdӓge xastaxanӓlӓrdӓ şifa êzli. Törkiyӓneň Kovid -19 êpidemiyӓse belӓn körӓşe Bötendönya sӓlamӓtlek saqlaw oyışması hӓm Könbatış mӓğ’lümat çaraları tarafınnan ürnӓk itep kürsӓtelӓ. Dönyada 100 gӓ yaqın il ӓle vakśinanıň berençe dozasına da ireşӓ almağanda  watandaşlarıbızğa 20 million doza vakśina yasaldı”,-dide.

"Ӓrdoğan: “2020 nçe yılnı 1,8% külӓmendӓge möhim üseş tempları belӓn tögӓllӓdek. Mart ayında Törkiyӓneň êksportı uzğan yılnıň şul uq çorı belӓn çağıştırğanda 42,2%qa arttı hӓm bügengӓ qadӓrge iň yuğarı aylıq êkspot kürsӓtkeçenӓ ireşte”,-dide.