Ärdoğan yaña qararlarnı açıqladı

Törkiyä ilbaşı Räcäp Tayyip Ärdoğan kizügä qarşı köräş qısalarında Kabinet cıyılışında qabul itelgän yaña qararlarnı açıqladı.

Ärdoğan 15 könlek öleşçä izolyaŝiya qısalarında atna azağında bötenläy, atna êçendä 19.00 – 05.00 sägät’läre arasında uramğa çığunıñ tıyılaçağın, bu sägät’lärdä şähärlär arasındağı säyäxätlärneñ mäcbüri bulmağan oçraqta tıyıluın, êş waqıtlarınıñ däwlät häm şäxsi tarmaqta da qısqartuğa täşwik iteläçägen, belem alunıñ imtixanğa äzerlänüçe sıynıflar häm mäktäpkäçä balalardan tış distanŝion bulaçağın, restorannarnıñ barı tik öylärgä rizıq cibärä alaçağın, yabıq urınnardağı kümäk çaralarnıñ ber ayğa kiçekterelüen belderde.

Törkiyä ilbaşı tübändägeçä kisätte: “İke atnada maqsat itelgän yaxşıru küzätelmägän oçraqta tağın da qırıs çaralar qotılğısız bulaçaq.”