Törek köymäse yulbasarlar qulında

Nigeriya sulıqlarında diñgez yulbasarları tarafınnan basıp alınğan törek köymäseneñ ber azärbaycan personalı üterelde.

Üzäge İstanbulda urnaşqan ber şirkätkä bäyle “Mozart” isemle törek köymäseneñ Gvineya qultığında höcümgä duçar qaluı citkerelde.

Şirkät açıqlawında Nigeriyaneñ Lagos şähärennän Kön’yaq Afrikanıñ Keyptaun şähärenä baruçı köymädäge 19 êkipaj personalınnan berseneñ üterelüe, 15eneñ urlanuı, 3eseneñ isä yulbasarlar belän köymädä qaluı belderelde.

Törkiyä urlanğan êkipajnıñ tabıluı öçen êşkä kereşte.

Törkiyä ilbaşı Räcäp Tayyip Ärdoğan köymäneñ 4nçe kapitanı Furkan Yaren belän telefonnan söyläşep, waqıyğanıñ häm köymädäge wazğıyät’neñ neçkäleklären öyrände. Köymäneñ höcümnän qotılğan 3 personalı belän Gabonğa taba baruın öyrängän Ärdoğan barışnı yaqınnan küzätep baruın häm urlanğan köymä personalınıñ qotqarıluı belän bäyle barlıq räsmi zatlarğa boyırıq birüen açıqladı. 

Törkiyä tışqı êşlär ministrı Mäwlüt Çavuşoğlu da Furkan Yaren belän telefonnan söyläşte häm Azärbaycandağı xezmättäşe Ceyhun Bayramovka da şaltıratıp, üterelgän personal öçen qayğısın urtaqlaştı.