Ӓrdoğan – Konte söylӓşüe

Törkiyӓ ilbaşı Rӓcӓp Tayyip Ӓrdoğan İtaliya prem’yer-ministrı Djuzeppe Konte belӓn telefonnan söylӓşte.

İlbaşı idarӓseneň êlemtӓ bülege xӓbӓr itkӓnçӓ, alar Törkiyӓ -İtaliya mönӓsӓbӓtlӓren üsterü turında söylӓşte, regional’ tӓrӓqqiyӓt’lӓrgӓ bӓyӓ birdelӓr.

İlbaşı Ӓrdoğan ike il mönӓsӓbӓtlӓrenӓ zur ӓhӓmiyӓt birülӓren , êpidemiya şartlarında iň uňaylı waqıtta İtaliya belӓn öçençe xökümӓtlӓr ara sammitnı Törkiyӓdӓ uzdırırğa telӓwlӓren belderde.

Ӓrdoğan İtaliyanıň Awrupa Berlege bӓylӓneşendӓ Törkiyӓgӓ kürsӓtkӓn yӓrdӓmnӓre öçen rӓxmӓtlӓren citkerde , İtaliyanıň Awrupa Berlegenӓ Könçığış Urta diňgezdӓ aqıllı fiker yörtügӓ hӓm ğadellekkӓ  nigezlӓngӓn totış kürsӓtügӓ yünӓleş birӓçӓgenӓ ışanuın ӓytte.

Törkiyӓ ilbaşı İtaliyanıň Liviyӓdӓ milli kileşü xökümӓte belӓn xezmӓttӓşlek adımnarınıň da faydalı bulaçağın assızıqladı.