Ärdoğan Qazaqstan xökümät räisen qabul itte

Törkiyä ilbaşı Räcäp Tayyip Ärdoğan başqala Änkarağa räsmi säfär belän kilgän Qazaqstan xökümäte räise Oljas Bäktänovnı qabul itte. Anda ike il arasındağı mönäsäbätlär, regional’ häm global’ temalar belän İzrailneñ Ğazzägä qarata höcümnäre turında söyläşü buldı.

İlbaşı Ärdoğan İzrail idaräseneñ üz säyäsi kiläçäge öçen bäreleşne böten töbäkkä taratırğa mataşuın, östenlekneñ aşığıç häm daimi utnı tuqtatunı täêmin itü buluın, Ğazzädäge xalıqqa gumanitar yärdäm cibärü öçen Törki däwlätlär oyışmasınıñ tağın da külämle xezmättäşlek itä aluın belderde.

Törkiyä ilbaşı Qazaqstan belän saqlanu sänäğate, terrorçılıqqa qarşı köräş, iq’tisad häm başqa tarmaqlarda êlemtälärne nığıtunıñ ähämiyätle buluın da söyläde.