Uzğan yıl kübräk Yosıf häm Zäynäplär tudı

Törkiyädä uzğan yıl tuğan ir balalarğa kübräk Yosıf, qızlarğa isä Zäynäp iseme birelgän. İlneñ xalıq sanı häm watandaşlıq êşläre baş idaräse 2020nçe yılğı mäğ’lümatlar belän urtaqlaştı. Oyışmadan belderülärençä, uzğan yıl 559 meñ 753 ir bala häm 531 meñ 390 qız bäbäy dön’yağa kilgän.

Belderüdä äti-änilärneñ ir balalarğa tradiśion isemnärne quşuğa östenlek birüenä iğ’tibar cälep itelä. Alarğa yış qına ğailäneñ ölkännäreneñ atı quyıla. Qız balalarğa isä zamança häm populyar isemnär quşu kiñ cäyelgän.

Uzğan yıl Törkiyädä dön’yağa kilgän 1 million 91 meñ 143 bäbäyneñ 11 meñ 179ına Zäynäp, 7 meñ 540ına Yosıf iseme birelgän. Populyar isemnär arasında tağın Älif, Däfnä, Miraç, Äymän bar.