ولسمشر اردوغان په تورکیه کې د پرونیو ټاکنو د پایلو په اړه ارزونې وکړې

د تورکیې ولسمشر رجب طیب اردوغان پرونیو سیمه ییزو ټاکنو د پایلو په اړه وویل، "د دې ټاکنو ګټونکی زموږ ډیموکراسي، زموږ ملي اراده ده."

ولسمشر اردوغان د ټاکنو د پایلو د اعلان نه وروسته د عدالت او پراختیا د ګوند د مرکزي دفتر په مخکې راټولو شوو  هیوادوالو ته وینا وکړه.

" غواړم  د خپلو هیوادوالو  د اعتدال او زموږ د امنیتي ځواکونو د قربانیو او سرښندونو څخه مننه وکړم.  د تورکیې ډیموکراسۍ یو ځل بیا خپل بلوغ ثابت کړ."

"لکه څنګه چې تاسو پوهیږئ، ټاکنې د ډیموکراسۍ تر ټولو حساسې ورځې دي، د ملت اراده د رایو په صندوق کې څرګندیږي، ملت خپل غږ ته د  رایو په په صندوق کې انعکاس ورکوي، ملت خپل پیغام د رایو د صندوق له لارې سیاستوالو ته رسوي. ملت د رايې ورکولو د صندوق له لارې خپل خبرتيا او ستاينه څرګندوي.

د مارچ ۳۱مه د سيمه ييزو ادارو د  ټاکنو د پايلو په پام کې نيولو سره  د تورکيې ملت يو ځل بيا د رايو صندوق د يو ښه فرصت په توګه وکاراوه چې سياستوالو ته خپل پيغام ورسوي او. د دې ټاکنو ګټونکی په اصل کې زموږ ډیموکراسي، ملي اراده او ټول ۸۵ میلیونه خلک دي، پرته له دې چې سیاسي نظرونه ولري.»

"که څه هم دا لا تر د ټاکنو نهايي پایلې ندي اعلان شوي  خو د رایو د صندوقونو پایلې موږ  د (عدالت او پراختیا ګوند) ته ښیې چې موږ په ټول هیواد کې د لوړوالی له لاسه ورکولو سره مخ یو. البته، موږ به د دې کمښت په لاملونو په هر اړخیزه توګه بحث وکړو. موږ به په ټولو هغه ولایتونو چې د لاسه مو ورکړي دي او یا د رایو شمیره مو راټیټه شوې ده  لاملونه یو یو په  ډیر ښه  توګه  معلوم کړو او اړین اصلاحات به رامنځته کړو." اردوغان وویل هیله لري چې د ټاکنو پایلې د هیواد، ملت، ښارونو، علاقه داریو  او کلیو ټول لپاره د خیر او برکت وسیله وګرځي.