ولسمشر اردوغان : د ملي ټیکنالوژیو د ونډې په زیاتولو تمرکز وکړي.

د تورکیې ولسمشر رجب طیب اردوغان وویل چې دوی به د هرې پروژې په پلي کولو کې چې په هره برخه وي د ملي ټیکنالوژیو د ونډې په زیاتولو تمرکز وکړي.

ولسمشر اردوغان  د استانبول د هوايي ډګر د میټرو  د کاغتخانه – غیرت تپې  د برخې د پرانستلو په مراسمو کې  د وینا پر مهال  وویل چې ، د یوې بلې پروژې د پلي کولو سره چې   د استانبول د ټرافیکو  بار به  راکم کړي ډیر خوشحاله دی.

اردوغان وویل چې د دې کرښې په پیلیدو سره په استانبول کې د بشپړ شوي ریل سیسټم شبکې اوږدوالی ۳۳۸ عشاریه ۵  کیلومترو ته لوړ شو.

ولسمشر اردوغان ددې خبرې  په ټینګار سره چې د استانبول د هوایي ډګر د میټرو لاین ټولې پروسې د داخلي انجینرۍ او ډیزاین تجربې سره ترسره کوي، وویل ، پدې پروژو ډیر افتخار کوي.

"له اوس څخه، موږ به په هره پروژه کې چې موږ یې پلي کوو، د ساحې په پام کې نیولو پرته، د ځايي او  ملي ټیکنالوژیو د ونډې په زیاتولو تمرکز وکړو. موږ به په کلکه کار وکړو تر هغه چې موږ د ټکنالوژۍ په ټولو مسلو کې د بشپړ خپلواکه تورکیې هدف ته ورسیږو، په ځانګړې توګه د  دفاعي صنعت په برخه کې ."