اذربایجان سلجوق بیرقدار ته د عالي خدماتو مډال ورکړ
د تورکیې د ټیکنالوژۍ ټیم بنسټ ټي ۳ فاونډیشن بڼسټ ایښودونکي او رئیس سلجوق بیرقدار ته د اذربایجان د خلکو او ټولنیزو نوښتونو دولتي ادارې (آسان خدمت) مډال ورکړل شو.
د تورکیې د ټیکنالوژۍ ټیم بنسټ ټي ۳ فاونډیشن بڼسټ ایښودونکي او رئیس سلجوق بیرقدار ته د اذربایجان د خلکو او ټولنیزو نوښتونو دولتي ادارې (آسان خدمت) مډال ورکړل شو.
د بایکار د بیان له مخې، د آذربایجان د ولسمشر الهام علی یف د پریکړې سره سم، د آسان خدمت د موثرې همکارۍ مډال د آسان د خدماتو رئیس اولوی مهدییف لخوا سلجوق بیرقدار ته ورکړل شو.
د مډال ورکولو په مراسمو کې په باکو کې د تورکیې د سفیر ډاکټر جاهد باغجي سربیره په باکو کې د بایکار او د اذربایجان د خلکو او ټولنیزو نوښتونو دولتي ادارې په ګډ تعلیمي مرکز کې په زده کړو بوختو محصلینو هم ګډون کړی وو.
د ویلو ده چې د اذربایجان ولسمشر الهام علي یف په ۲۰۲۱ کال کې سلجوق بیرقدار ته د قره باغ په جګړه کې د ټي بي ۲ ډرون الوتکو سره د ترسره کړې مرستې او ملاتړ له امله د قره باغ ځانګړی او مهم نښان ورکړی وو.
همداشان د اذربایجان د دفاع وزیر هم بیرقدار ته د پوځي همکاریو او مرستو له امله د عالي خدماتو مډال او نښان ورکړی وو.
په ۲۰۲۲ کال کې د اوکراین ولسمشر ولادیمیر زیلینسکي په حکم سلجوق بیرقدار ته د اوکراین دولتي مډال او نښان ورکړ شو.
