تورکیې کوسوو ته کومانډو ځواکونه واستول

 په کوسوو کې امنیت به تورکيې کومانډو ځواکونه ټینګ کړي.

په کوسوو کې له پېښو وروسته د ناټو په غوښتنه تورکيې کومانډو ځواکونه  سیمې ته واستول شول.

د تورکیې د کومانډو ځواکونو لومړی کاروان چې په سیمه کې به دنده ترسره کوي، کوسوو ته ورسیده.

په کوسوو کې د کړکېچ په زیاتېدو نه وروسته  ناټو له تورکیې څخه دې هیواد  ته  د سرتېرو د استولو غوښتنه وکړه.

د تورکیې د  ملي دفاع وزارت  د ناټو  غوښتنې ته مثبت ځواب په ویلو سره ، سیمې ته کومانډو ځواکونه د استولو پریکړه وکړه.

همداشان سمدلاسه يي  کوسوو ته د تورکي کمانډو لیږد پیل کړ.

کوسوو ته د کومانډو ځواکونو د لومړي کاروان د لېږد چارې بشپړې شوې.

وزارت سیمې ته د تورکیې د کومانډو ځواکونو د رسیدو او ځای په ځای کیدو نه وروسته څرګندونې وکړې.

په څرګندونو کې راغلي "موږ په کوسوو کې خپلو اتلو سرتیرو ته د سولې او آرامۍ د ساتلو لپاره د ښه او بریالي ماموریت هیله کوو."