ولسمشر اردوغان د اقلیم په نړۍواله سرمشریزه کې وینا وکړه
د ترکیې ولسمشر رجب طیب اردوغان وویل چې ترکیه د نوې کیدونکې انرژۍ په برخه کې په سیمه کې په لومړي کتار کې ځای لري.
ولسمشر اردوغان د امریکا متحده ایالتونو د نیویارک په ښار کې جوړه شوې د ملګروملتونو سازمان د ۷۴ کلنۍ عمومۍ اسمبلې په چوکاټ کې د اقلیم په سرمشریزه کې ګډون وکړ.
ولسمشر اردوغان د اقلیم سرمشریزې ته وینا کې وویل « ترکیه د هغه نادرو هیوادونو نه یو دی چې د هرې ورځې په تیریدو خپلو ځنګلونو ته وده ورکوي. ترکیې په تیرو ۱۷ کلونو کې څه باندې ۴ میلیارده نیالګي کینولي دي او د روان کال د نوامبر په ۱۱ مه نيټه به ۱۱ میلیونه نور نیالګي کینوو.
ترکیه د نوي کیدونکې انرژۍ په برخه کې په سیمه کې په لومړي کتار کې ځای لري. ترکیه د خپلې برښنا ۳۰ سلنه اړتیا د نوې کیدونکې انرژۍ نه ترلاسه کوي.
هغه وویل چې په ترکیه کې د پلاستیکي کڅوړو کارونې کچه په څلورو کې درې برخې راټیټه شوې ده .
په ټول هیواد کې مو اصراف د مخنیوي ، د ضیاع د مدیریت، چاپیریال دوستې ټکنالوژۍ او نوې کیدونکې انرژۍ په برخه کې ډیر جدي پرمختګ کړی دی.
د پراختیايي اهدافو د تداوم سره سره مو د اقلیم د بدلون سره د تطابق او هر ډول طبعي ناورینونو په مقابل کې د مقامت سیاستونه مو عملي کړي دي. »
اړوند خبرونه
د تورکیې او اروپايي ټولنې ترمنځ د ویزې د ستونزو د هواري لپاره خبرې اترې روانې دي.
د تورکیې د سوداګرۍ وزیر عمر بولات په پلازمینه انقره کې د اروپايي اتحادیې او تورکیې اړیکې و ارزولې.
