د عراق ولسمشر ترکېې ته راغلی دی

د  ترکیې ولسمشر اردوغان  پرون ماښام  په استانبول کې د عراق  د  ولسمشر برهم صالح  سره  چې  د رسمي سفر په ترڅ کې  ترکیې ته راغلی وو  لیدنه وکړه.

لیدنه د استانبول د وحدت الدین  په ماڼۍ کې  ترسره شوه. لیدنه چې د مطبوعاتو نه د بندو دروازو تر شاه  ترسره شوه  یو ساعت يي دوام وکړ.

پدې لیدنه کې د ترکیې د بهرنیو چارو وزیر مولود چاوش اوغلو او د ملي استخباراتو رئیس حاکان فیدان هم  ګډون درلود.

ولسمشر اردوغان د رسمي لیدونو کتنو نه وروسته  د عراق د ولسمشر په ویاړ د روژه ماتي میلمستیا جوړه کړې وه.

پدې میلمستیا کې د عراق د ولسمشر سربیره  د هغه میرمن  او د ترکیې ولسمشر اردوغان هم  د خپلې میرمنې سره  ګډون کړی وو.

د عراق ولسمشر برهم صالح پداسې حال کې ترکیې ته په رسمي سفر راغلی دی  چې ترکیې وسله وال پوځ  تیره ورځ  د عراق په شمال کې د ترهګرو د تصفیه کولو په خاطر پوځي عملیات پیل کړل.