د ترکیې د ایدرنې په ولایت کې درې تنو ناقانونه کډوالو مړي وموندل شول
د ترکیې د ایدرنې په ولایت کې د دریو تنو ناقانونه کډوالو مړي چې ویل کیږي یخ وهلي دي وموندل شول.
د ترکیې د ایدرنې په ولایت کې د دریو تنو ناقانونه کډوالو مړي چې ویل کیږي یخ وهلي دي وموندل شول.
د ایدرنې ولایت نه د ترلاسه شوو معلوماتو له مخې یو شپونکي په سرحدي کلي کې د یو تن په مځکې پروت ولید او سمدلاسه ژاندارم ځواکونو ته خبر ورکړ. ژاندارم ځواکونو سیمې ته روغتیايي ډله واستوله. روغتیايي ډلې د معاینې نه وروسته معلومه شوه چې نوموړي کس چې پوره جامې هم په تن نه درلودې د یخ له امله ژوند د لاسه ورکړی دی. نوموړی مړی د لا زیاتو معایناتو په خاطر د استانبول عدلي طب ته انتقال شوی دی.
د سیمې پولیسو ویلي دي چې مړ شوی کس د افغانستان وګړی دی او ګمان کیږي چې د یونان د پولیسو لخوا ترینه جامې اخیستل شوي وي او بیرته ترکیې لوري ته رالیږل شوی وي.
د بله پلوه په ایدرنې ولایت کې په ځنګل کې دوه نور مړي هم موندل شوي دي چې هغوې هم په بدن پوره جامه نده درلوده. دې کسان هم د یخ له کبله ژوند د لاسه ورکړی دی.
همداشان امنیتي ځواکونو په نوموړې سیمه کې یو تن بل افغان ناقانونه کډوال چې د یونان د پولیسو لخوا ترینه د جامو د اخیستو نه وروسته بیرته ترکیې ته رالیږل شوی وو ونیو. د جمال الدین ملنګي په نامه دې افغان کډوال خبریالانو ته وویل چې د ترکیې نه یونان ته د تیریدو نه وروسته یو کلي ته ورسیدو. د کلیوالو دروازې مو وټکولې او د مرستې غوښتنه مو وکړه. لنډه موده وروسته یوناني پولیسو راورسیدل او مونږ يي ونیولو. پولیسو لومړی د پولیسو مرکز ته یوړو او وروسته يي په یو موټر کې سپاره کړو او ساحل ته يي راوستو. په ساحل کې په یوې کښتۍ کې چې سپاره کړو او د ترکیې لوري ته يي راولیږولو.
هغه وویل چې د نوموړو وژل شوو دریو تنو نه یو تن پیژني . هغه وویل چې د یونان پولیسو ترینه هر څه اخیستي دي. هغوې هیڅډول مرحمت نه درلود.
اړوند خبرونه
ولسمشر اردوغان : د تورکیې لپاره نوی اساسي قانون یوه جدي اړتیا ده
د تورکیې ولسمشر رجب طیب اردوغان وویل چې نوی اساسي قانون به د هیواد د ستونزو د حل لاره لا ګړندۍ کړي.
د تورکیې ملي شورا د تورکیې او فلسطین ترمنځ لاسلیک شوي تړونونه تصویب کړل.
د تورکیې ملي شورا د تورکیې او فلسطین ترمنځه لاسلیک شوي دوه تړونونه تصویب کړل