د ترکیې لخوا اسراییلو ته بل ګوزار!
ترکیې په استانبول کې د اسراییلو جنرال قونسل د شړولو پریکړه وکړه
ترکیې په انقره کې د اسراییلو د سفیر د شړولو نه وروسته داځل د استانبول د جنرال قونسل د شړولو پریکړه وکړه.
د ترکیې د بهرنیو چارو وزیر په استانبول کې د اسراییلو د جنرال قونسل نه هر څه ژر خپل هیواد ته د ستنیدو غوښتنه وکړه.
د ویلو ده چې ترکیې په غزه کې د اسراییلو لخوا د ترسره شوې عام وژنې په غبرګون کې لومړی د اسراییلو سفیر او داځل د استانبول د جنرال قونسل د شړولو پریکړه وکړه.
همداشان ترکیې د اسراییلو نه خپل سفیر هم هیواد ته راستون کړی دی.
د بهرنیو چارو وزارت ویلي دي چې په استانبول کې د اسراییلو جنرال قونسل یوسف لیوي سفاري په فلسطین کې د رامنځته شوو وروستیو پيښو له امله لومړی احضار کړ او وروسته يي ترینه خپل هیواد ته د ستنیدو غوښتنه وکړه.
د ویلو ده چې د اسراییلو د بهرنیو چارو وزارت هم تیره ورځ په بیت المقدس کې د ترکیې جنرال قونسلګرۍ مشر وزارت غوښتی وو او د هغه نه يي ترکیې ته د ستنیدو غوښتنه کړې وه.
د اسراییلو د بهرنیو چارو د وزارت ویاند د نوموړي پرمختګ نه وروسته خبري غونډې ته ویلي وو چې په بیت المقدس کې د ترکیې جنرال قونسلګرۍ مشر وزارت ته راغوښتی وو او د هغه نه د سلامشورو په خاطر د یو څه مودې لپاره خپل هیواد ته د ستنیدو غوښتنه شوې ده .
اړوند خبرونه
ولسمشر اردوغان : د تورکیې لپاره نوی اساسي قانون یوه جدي اړتیا ده
د تورکیې ولسمشر رجب طیب اردوغان وویل چې نوی اساسي قانون به د هیواد د ستونزو د حل لاره لا ګړندۍ کړي.
د تورکیې ملي شورا د تورکیې او فلسطین ترمنځ لاسلیک شوي تړونونه تصویب کړل.
د تورکیې ملي شورا د تورکیې او فلسطین ترمنځه لاسلیک شوي دوه تړونونه تصویب کړل