د ترکیې د اسلامي چارو د ریاست وقف  د ۱۵۰ زرو تنو روهینګیايي مسلمانانو سره  مرسته وکړه.

د ترکیې د اسلامي چارو د ریاست وقف  د ۱۵۰ زرو تنو روهینګیايي مسلمانانو سره  مرسته وکړه.

د ترکیې د اسلامي چارو ریاست تر ننه پورې  په بنګلادیش کې  په کمپونو کې د میشتو ۱۵۰ زرو تنو  روهینګیايي مسلمانانو سره  مرستې کړي دي.

د ترکیې د اسلامي چارو ریاست  د روهینګیايي مسلمانانو سره  د خوراکي توکو، جامو، کمپلو  او ډول ډول مرستو سربیره  د اوبو کوهیانو او جوماتونو د جوړولو په برخه کې هم مرسته کړې ده .

د ترکیې  د اسلامي چارو د ریاست په وینا  د روهینګیايي مسلمانانو سره  د خوراکي توکو سربیره  د ډول ډول صابونو او شامپوګانو، د پخلنځي سامان الاتو او توکو، جامو، بوټانو، خیمو ، کمپلو پاکو اوبو  او ماشومانو لپاره د بیسکیټو  مرسته کړې ده .

یاد شوي ریاست  ویلي دي چې  د نوموړو کډوالو سره  د غوښې  مرسته هم  کړې ده.

همداشان  یاد شوی  ریاست  د نوموړو کډوالو سره  د پاکۍ په برخه کې  هم مرستې کوي . په کومو سیمو کې چې د څښاک  پاکې  اوبه نه پیدا کیږي په هغه سیمو کې کوهیان  کیندلي دي.

همداشان  د روهینګیايی  مسلمانانو لپاره  د جوماتونو سربیره  تشنابونه، د ځان وینځلو  کابینونه ، د اودس  ځایونو  او د اوبو ډیر لوی لوی ډیپوګان  جوړ کړي دي.

د ویلو ده چې دا  یواځې  د ترکیې د اسلامي چارو د ریاست لخوا ترسره شوي مرستې دي.