د روهينګيا د مسلمانانو لپاره مجهز روغتون
تركيه د روهينګيا د مسلمانانو لپاره يو مجهز روغتون جوړوي.
ددې روغتون لپاره اړوند تجهيزات چې څه موده وړاندې د تركيې لخوا بنګله دېش ته لېږل شوي وو، سيمې ته رسېدلي دي.
په بنګله دېش كې د روهينګيايي مسلمانو كډوالو په كمپ كې د روغتيايي اسانتياو د رامنځته كولو په موخه په سيمه كې د يو سيار روغتون د جوړولو چارې پيل شوي دي.
ددې روغتون د جوړولو په موخه د روغتيايي تجهيزاتو لومړنى كاروان د وسله وال پوځ د يوې نظامي الوتكې په واسطه بنګله دېش ته لېږل شوى دى.
اوسمهال په سيمه كې يوه لس كسيزه مسلكي ډله ددې روغتون په جوړولو بوخته ده.
د روغتون تر جوړېدا وروسته د روهينګيايي مسلمانانو په كمپ كې اساسي روغتيايي خدمتونه پيل شي.
ټاكل شوې ده چې د تركي ډاكټرانو يو ټيم به هم په سيمه كې فعاليت وكړي.
اړوند خبرونه
انګلستان په هیواد کې نوی نسل د سګرټ نه د ژغورولو په برخه کې یوه ډیره مهمه پریکړه وکړه
په برتانیا کې له ۲۰۰۹ کال وروسته زېږېدلو کسانو باندې د سګرټو پر خرڅلاو بندیز ولګول شو.