د مکسیکو په جنوب کې د یوه بس د چپه کیدو له امله ۱۸ کسان مړه او ۳۲ نور ټپیان شول.

د مکسیکو په جنوب کې د یوه بس د چپه کیدو له امله ۱۸ کسان مړه او ۳۲ نور ټپیان شول.

د سیمه ایزو مقاماتو په وینا ، دغه بس چې د سان لوئس دي لا پاز له ښارګوټي څخه روان و، د مکسیکو په ایالت کې د کاپولین – چلما پر لویه لاره چپه شو.

په پیښه کې ۱۸ تنه د پیښې په ځای کې مړه او ۳۲ تنه ټپیان شوي دي. د پيښې نه وروسته ګنشمیر ژغورونکي ډلې سیمې ته واستول شوې.

ټپیان د سیمې روغتونونو ته انتقال شوي دي.

د عیني شاهدانو په وینا، پیښه د بس د بریکونو د خرابوالي له امله رامنځ ته شوې ده.