د اسپانیا لومړي وزیر د هغه په میرمن د بعضو تورونو له امله خپلې ټولې عامه دندې وځنډولې

د اسپانیا لومړي وزیر پیډرو سانچیز اعلان وکړ چې هغه د خپلې میرمنې بیګونا ګومیز په وړاندې د فساد د تورونو له امله خپله عامه دنده ځنډولې ده.

پیډرو سانچیز به د دوشنبې په ورځ اعلان وکړي چې ایا هغه به له خپلې دندې استعفا وکړي او که نه.

په اسپانیا کې، محکمې د مانوس لیمپیا یا پاک لاسونه په نوم د یوې موسسې د شکایت له مخې تحقیقات پیل کړل.

دا معلومه شوه چې د لومړي وزیر پیډرو سانچیز میرمن بیګونا ګومیز نوم هم په تحقیقاتو کې یاد شوی چې په ابتدايي مرحله کې دی.

پداسې حال کې چې محکمې مفصل معلومات ندي شریک کړي، د مانوس لیمپیاس د ادعا له مخې، چې ویل کیږي د ښي اړخه سیاست سره تړاو لري، ګومیز  د خپل نفوذ د "لومړي وزیر میرمن" په توګه کارولی او د ماسټرۍ کورس لپاره یې ځانته  سپانسر موندلی.

د اسپانیا لومړي وزیر سانچیز، په ۲۰۱۸ کال کې  هغه وخت واک ته ورسید کله چې پخواني محافظه کاره حکومت د فساد دوسیې له امله د باور رایه له لاسه ورکړه. سانچیز د دې موضوع په اړه په خپله لومړۍ وینا کې وویل: "له هر څه سره سره، زه لاهم په خپل هیواد کې په عدالت باور لرم."

د اسپانیا لومړي وزیر وروسته وویل چې هغه "باید پدې موضوع لږ فکر وکړي چې  ایا هغه د حکومت رهبرۍ ته دوام ورکړي او که نه.  هغه وویل چې د دوشنبې په ورځ د دې پریکړه وکړي چې ایا د سیاست د بدلون لپاره د خورا حق هڅه کولو سره سره په دفتر کې پاتې کیدل ارزښت لري."

د اسپانیا لومړي وزیر ویلي چې د څه مودې لپاره یې خپلې عامه دندې ځنډولې دي.

د سانچیز څرګندونې په اسپانیا کې په سیاست او رسنیو ډګر کې د "حیرانتیا" په توګه تعبیر شوې.

پیډرو سانچیز د پرله پسې دریو دورو لپاره د اسپانیا د  لومړي وزیر په توګه دنده ترسره کړې ده .