اروپايي ټولنه : د روسیې کنګل شویو شتمنیو ګټه به اوکراین ته ورکړي

د اروپايي ټولنې د کمیسیون مشرې اروسولا وان دیر لاین ویلي، د غړو هیوادونو مشرانو موافقه کړې چې د روسیې د کنګل شویو شتمنیو  ګټه  دې اوکراین ته ورکړل شي.

د بلجیم په پلازمینه بروکسل کې د اروپايي ټولنې د سرمشریزې لومړۍ ورځنۍ غونډه پای ته ورسیده.

د اروپايي ټولنې د کمیسیون رئیس وان دیر لاین  د غونډو په پای کې په خبري کنفرانس کې د اوکراین په اړه د برخې پایلې شریکې کړې.

وان دیر لاین د دې په بیانولو سره چې مشرانو د اروپایی اتحادیې د بهرنیو چارو او امنیت پالیسۍ لپاره د اروپایی اتحادیې د لوړ پوړی استازی جوزف بوریل وړاندیز مناسب وګاڼه چې په اروپایی اتحادیه کې د روسیې له کنګل شویو شتمنیو ګټه دې  اوکراین ته ورکړ شي.

"دا به اوکراین ته د پوځي تجهیزاتو لپاره تمویل چمتو کړي. دا د ۲۰۲۴  کال لپاره شاوخوا ۳ میلیارد یورو دي، او موږ تمه کولی شو په راتلونکو کلونو کې هم ورته پیسې راټولې کړو."

وان دیر لاین د دې پوښتنې په اړه چې دا وړاندیز کله پلي کیدی شي، وویل: "ما مشرانو ته وویل چې که موږ وړاندیز سمدستي نهایی کړو، موږ کولی شو د جولای په لومړۍ نیټه لومړی ۱ میلیارد یورو انتقال کړو. نو دا زموږ پورې اړه لري که موږ ګړندي شو. دا زموږ په لاس کې ده، په دوبي کې به کوټلي اقدام وشي."