شمالي کوریا د ژیړې بحیرې پر لور کروز توغندي توغولي دي.

شمالي کوریا د ژیړې بحیرې پر لور کروز توغندي توغولي دي.

د سویلي کوریا د لوی درستیز لخوا په خپره شوې  خبرپاڼه کې ویل شوي چې دا توغندي په ځایی وخت شاوخوا ۷ بجې توغول شوي  او زیاته شوې ده چې د  شمالي کوریا لخوا د سپټمبر له میاشتې وروسته دا لومړی ځل دی چې کروز توغنديو ازموینه وکړه.

په بیان کې ویل شوي چې جنوبي کوریا  د خپلو اماده باشو ځواکونو کچه لوړه کړې ده  "موږ د شمالي کوریا د پاروونکو اقداماتو د څارنې لپاره د امریکا  سره په  همکارۍ کار کوو."

په خبرپاڼه  کې ویل شوي چې «هوسال-۱ یا هوسال-۲ ډوله توغندي چې اټکل کیږي له ځمکې څخه توغول شوي وي او دقیق شمیر یې نه دی څرګند شوی، لنډ واټنه توغندي ندي».

د شمالي کوريا د خبري اژانس  د خبر له مخې، د شمالي کوریا وسله والو ځواکونو د جنورۍ په ۱۹مه نیټه د «Haeil-5-23» په نامه اوبو لاندې د اټومي وسلو سيستم په بریالیتوب سره وازمایه.