شمالي کوریا سویلي کوریا د خپل ستر دښمن دولت په توګه اعلان کړ

د شمالي کوریا مشر کیم جونګ اون وویل ، د دې وخت رارسېدلی چې سویلي کوریا د یو " دښمن دولت"  په توګه اعلان کړي.

د کوریا د مرکزي خبري اژانس  په وینا، کیم جونګ اون دا څرګندونې د وسلو له فابریکو څخه د لیدنې پر مهال وکړې.

کیم د سویلي کوریا حکومت جګړې  او وسلو سیالۍ ته د لمن وهلو په  تورن کړ.

د شمالي کوریا مشر همداراز د دواړو هېوادونو تر منځ خرابېدونکي اړیکي د "بدلون نوی پړاو" او یو "ناگزیر حقیقت" وباله.

کیم وویل چې دوی به د کوریا په ټاپو وزمه کې کومه لویه یو اړخیزه پیښه رامینځته نکړي ، مګر ټینګار  یې وکړ  چې دوی د جګړې څخه د تیښتې  اراده هم نلري.