روسیه هغه بهرنیو وګړو ته چې په اوکراین کې روسیې لپاره وجنګیږي تابعیت ورکوي

د روسیې ولسمشر ولادیمیر پوتین د هغه بهرنیو وګړو لپاره چې په اوکراین کې د روسیې لپاره جنګیږي د روسیې د تابعیت ورکولو امر وکړ.

 د روسیې ولسمشر ولادیمیر پوتین  د یو فرمان په  صادرولو سره   په اوکراین کې د روسیې لپاره جنګیدونکو بهرنیو اتباعو او د هغوی کورنیو د روسیې د  تابعیت ورکولو امر وکړ.

د دې حکم له مخې، هغه خلک چې په اوکراین کې د مسکو د "ځانګړو پوځي عملیاتو" په ترڅ کې په اوکراین په جګړه کې د ګډون په موخه  د روسیې له پوځ سره تړونونه لاسلیک کړي، کولی شي د خپل ځان، خپلې میرمنې، ماشومانو او والدینو لپاره  د روسیې تابعیت او پاسپورت غوښتنه وکړي.

ددې فرمان له مخې هغه کسان چې لږ تر لږه د یو کال لپاره په اوکراین کې د روسیې لپاره په جګړه کې ګډون وکړي‌ دا حق ترلاسه کوي.