په امریکا کې د یو جومات ملا امام د نامعلومو وسله والو په برید کې ووژل شو.

په امریکا کې د یو جومات ملا امام د نامعلومو وسله والو په برید کې ووژل شو.

د امریکا په نیوجرسي ایالت کې د یو جومات پر  امام  حسن شریف مرګونی برید وشو.

د نیوجرسي په نیوارک ښار کې د محمد  په نامه د جومات پر امام حسن شریف سهار وختي د جومات مخې ته د نامعلومو کسانو له خوا وسله وال برید وشو.

د جومات ملا امام چې پدې برید کې سخت ټپي شوی وو په روغتون کې ساه ورکړه.

پوليسو د بريدګر یا بریدګرو د نيولو لپاره په پراخه کچه عمليات پيل کړي او امنيتي تدابير يې هم سخت کړي دي.

که څه هم د برید لامل نه دی څرګند، خو د برید  په داسې حال کې رامنځته کیږي چې د اسرائیلو او حماس ترمنځ د روانې جګړې او د اسرائیلو لخوا په غزه کې د روانو ظلمونو له امله  امریکا کې د مسلمانانو او یهودي ټولنو ترمنځه  کرکه او نفرت مخ په زیاتیدو دی.