زیلینسکي : په اوکراین کې په تیر یو کال کې د وسلو تولید ۳ برابره ډیر شوی دی

د اوکراین ولسمشر ولادیمیر زیلینسکي ویلي دي چې په تیر یو کال کې په اوکراین کې د وسلو تولید درې چنده زیات شوی دی.

زیلینسکي د ټولنیزې مډیا له لارې په خپور کړي بیان کې ویلي دي چې

"موږ مجبور یو چې ځان پیاوړی کړو. موږ په تیر کال کې د وسلو تولید درې برابره زیات کړی دی. روسیه باید پوه شي چې د دوی د هر برید ځواب به ونه ځنډیږي. موږ بریا ته اړتیا لرو. اوکراین باید پیاوړی شي."

زیلینسکي د دې په بیانولو سره چې اوس مهال د اوکراین په دفاعي سکتور کې ۳۰۰ زره کسان په کار بوخت دي او زیاته کړه چې له هرو ۵ دفاعي شرکتونو څخه ۴ یې خصوصي دي.

زیلینسکي وویل چې د نړۍ له سترو بهرنیو وسلو جوړونکو سره ګډ تولید هم ممکن دی.