د سومالیا په سواحلو کې یوه بله ایراني بېړۍ هم د سمندري غلو له خوا وتښتول شوه.

د سومالیا په سواحلو کې یوه بله ایراني بېړۍ هم د سمندري غلو له خوا وتښتول شوه.

د سومالیا د کنډالا سیمه ایز مشر احمد یوسف خورشي خبر ورکړ چې د ایران بیرغ لرونکې کښتۍ د پوټلینډ ولایت په سواحلو کې د سمندري غلو لخوا تښتول شوې.

خورشې وويل، د بېړۍ ټول عمله چې شمېر په اړه يي معلومات ندي ورکړي  بهرني اتباع دي.

د ویلو ده چې د نوامبر په ۲۵ مه  نيټه هم د ایران بیرغ لرونکې بېړۍ چې ۱۶ کسان پکې سپاره وو، د سومالیا د پوتلنډ سیمې له ساحله تښتول شوې وه. دا په یوه اونۍ کې دویمه ایراني کښتۍ ده چې د سمندري غلو لخوا تښتول کیږي.

سمندري غلو د کښتۍ  د عملې د خلاصون په بدل کې ۴۰۰ زره ډالره غوښتی وو.