د فرانسې یوې محکمې د سوریې د ولسمشر بشار اسد د نیولو حکم وکړ

په فرانسه کې  یوې محکمې په ۲۰۱۳ کال کې یې د سوریې پر خلکو د کیمیاوي وسلو سره د برید د ترسره  کولو او د بشریت ضد جنایت له امله  په نړۍواله کچه د سوریې د ولسمشر بشارالاسد د نیولو حکم صادر کړ .  د ویلو ده چې د پاریس د محکمې لخوا په نړۍواله کچه د اسد د نیولو دا حکم لومړنی نړۍوال د نیولو حکم دی چې د اسد پر خلاف صادریږي.

د فرانسې قاضیانو پریکړه وکړه چې بشارالاسد د سوریې د خلکو په وړاندې په جنګي جرمونو کې ښکیل او شریک دی.

محکمې د بشارالاسد سربیره  د هغه د ورور ماهر اسد چې د سوریې د ځانګړو ځواکونو قوماندان دی  او د سوریې د دوو نورو لوړ پوړو چارواکو د نیولو امر هم صادر کړی دی.

په فرانسه کې د سوریې د رسنیو او د بیان د ازادۍ د مرکز له خوا په پرانیستل شوي اقامه د دعوا  کې، قاضیانو حکم وکړ چې په ختیځه غوطه کې د کیمیاوي وسلو برید چې له امله یې تر زرو زیات کسان وژل شوي دي، د سوریې د پوځ مشر بشارالاسد او د قوماندانو له خبرتیا پرته نه شي ترسره کیدلی.

د پاریس د محکمې پریکړه د سوریې د مشر د نیولو لومړنی نړیوال حکم دی.