د سویډن: ګمان نه کوي‌ چې د تورکیې پارلمان په روانه میاشت کې د سویډن د ناټو غړیتوب تصویب کړي

د سویډن لومړي وزیر الف کریسټرسن وویل چې دی په ډاډ سره نشي ویلای چې په ناټو کې د هغه هیواد د غړیتوب غوښتنلیک به په روانه میاشت کې د تورکیې ملي شورا تصویب کړي.

کریسټرسن د سویډن رسنیو ته په  ناتو کې د خپل هیواد د غړیتوب د غوښتنلیک په اړه د بیان په ورکولو سره وویل چې تورکیه به په ناټو کې د سویډن د غړیتوب په اړه پریکړه وکړي.

کریسټرسن وویل، "زه دا ژمنه نه شم کولای چې د ناټو غړیتوب به د اکتوبر په میاشت کې تصویب شي. دا پریکړه د تورکیې پورې تعلیق لري ، تورکیه خپله پریکړه کوي."

کریسټرسن وویل، دوی موافقه وکړه چې د ناټو د غړیتوب لپاره د سویډن د تصویب بهیر باید ژر تر ژره د تورکیې د ملي شورا له پرانستلو وروسته پارلمان ته واستول شي.

"هرڅوک داسې فکر کوي چې په ناټو کې  د سویډن غړیتوب به د تورکیې د  پارلمان له پرانیستلو وروسته تصویب شي. پارلمان اوس پرانیستل شو. مونږ هم همدا فکر کوو چې په ناټو کې د سویډن د  غړیتوب د تصویب وخت رارسیدلی دی."