په ایټالیا کې د سیلابونو له امله د مړو شمیره ۱۵ تنو ته لوړه شوه

د ایټالیا په ایمیلیا رومګنا سیمه کې تېره اوونۍ د سختو بارانونو له امله د سېلابونو د راوتلو په پېښه کې د وژل شویو کسانو شمېر ۱۵ ته ورسېد.

د ايټاليا د انسا خبري‌  اژانس د خبر له مخې، په لوګو  سیمه  د سیلابونو له امله د لا درکه شوي‌ یو تن د مړو د موندولو سره د مړو شمیره ۱۵ تنو ته لوړه شوه.

په خبر کې راغلي‌ دي‌ چې  د ۶۸ کلن سړي مړی چې د می له ۱۷ راهیسې لا درکه وو، د ایټالوي جاندارما  ټیمونو لخوا وموندل شو.

له بلې خوا، په سیمه کې د زورورو بارانونو د اورښت په اړه  خبرداری ورکړ شوی دی. د هوا پيژندنې ادارې ویلي‌ دي‌ چې ددې امکان شته چې د بارانونو له امله سیلابونه راووځي.

په هغو ښارونو او ښارګوټو کې چې د سیلاب اوبه کمې شوي، د پاکولو فعالیتونه او د ځایي خلکو د زیانونو د تثبیت چارې دوام لري.

د ایټالیا لومړۍ وزیر جورجیا میلوني په مشرۍ  ښي اړخو ایتلافي حکومت پریکړه وکړه چې د سیلاب ځپلو سیمو اړتیاوو لپاره له ۲ میلیارد یورو څخه ډیر تخصیص ورکړي.