امریکا پر ټایوان د اف ۱۶ جنګي الوتکو د توغندیو او تجهیزاتو پلور تصویب کړ

امریکا پر  تایوان د ۶۱۹  میلیون ډالرو په ارزښت د F-16 جنګي الوتکو لپاره د توغندیو  پلورل تصویب کړل. د ویلو ده چې د امریکا دا پریکړه به د چین  او امریکا سره اړیکې لا پسې ترینګلې کړي.

د امریکا د بهرنیو چارو وزارت لخوا په خپره شوې خبرپاڼه کې ویل شوي چې پر تایوان د ۱۰۰ «AGM-88B HARM» ډوله رادار ضد توغندیو او ۲۰۰«AMRAAM» ډوله  ډوله هوا څخه هوا ویشتونکو توغندیو پلور منظور شوی دی.

په بیان کې ویل شوي، پر ټایوان د ۶۱۹ میلیون ډالرو په ارزښت دا پلور به ، "د تایوان هوایي دفاعي ظرفیت، سیمه ایز امنیت او د امریکا  سره به  د ګډو عملیاتو وړتیا  لوړه کړي."

د امریکا ساخت  F-16 جنګي الوتکو لپاره  توغندي او تجهیزات د امریکا د دفاعي شرکتونو لاکهید مارتین او رایتیان  لخوا تولید شوي دي.

تمه کیږي چې د وسلو د پلور تصویب به د چین غبرګون را وپاروي، چې تایوان د خپلې خاورې یوه برخه ګڼي.

د چین د سوداګرۍ وزارت د وسلو د پخوانیو پلورلو له امله پر دواړو شرکتونو د وارداتو او صادراتو بندیز لګولی و.