روسیې د اوکراین په پلازمینه کیف د بې پیلوټه انتحاري الوتکو سره بریدونه کړي دي.

روسیې د اوکراین په پلازمینه کیف د بې پیلوټه انتحاري الوتکو سره بریدونه کړي دي.

د اوکراین د پلازمینې کیف ښاروال ویتالي کلیچکو ویلي، ددوې دافع هوا ځواکونو نن سهار لس بې پیلوټه الوتکې په ښار او شاوخوا سیمو کې ویشتل شوي دي.

کلیچکو د ټولنیزې مډیا له لارې په خپور کړي پيغام کې ویلي دي چې ،

"هوايي دفاعي ځواکونو د کیف په سیمه او د پلازمینې په اوږدو کې ټولټال لس بې پیلوټه الوتکې رانسکورې کړې."  

کلیچکو وویل  چې نن  د سهار په وختي  ساعتونو کې ، د پلازمینې کیف د شیوچینکیوسکي ولسوالۍ کې چاودنې شوي او په کیف  په مرکز کې هم  په ځایي وخت شاوخوا شپږ نیمې  بجې د چاودنو غږونه اوریدل شوي.

هغه پدې بریدونو کې د اوښتو ځاني او مالي تلفاتو په اړه څه ندي ویلي.