اندونیزیا یو ځل بیا زورورې زلزلې ولړزو

د اندونیزیا په ختیځ جاوا ایالت کې د ریښتر په کچه ۶ عشاریه ۲ په شدت سره زلزله رامنځته شوه.

د اندونیزیا د هوا پېژندنې، اقلیم او جیو فزیک ادارې  د معلوماتو له مخې  په سیمه ییز وخت په  یوه بجه او ۷ دقیقو په ختیځ جاوا ایالت کې د ریښتر په کچه د ۶ عشاریه ۲ په شدت سره  زلزله رامنځته شوه.

دغه زلزله چې د ځمکې لاندې په لس کیلومترۍ کې رامنځته شوې، د بالي په  ټاپو کې هم احساس شوې ده.

ویل شوي، چې ددې زلزلې له امله د سونامي خطر ندی رامنځته شوی.

ځایي چارواکو ویلي چې د زلزلې په نتیجه کې د رامنځته شوو ځاني او مالي تلفاتو د معلومولو په اړه تحقیقات پیل شوي دي.

تېره میاشت هم د لوېدیځ جاوا ایالت په سیانجور سیمه کې د ریښتر په کچه ۵،۶ درجې زلزلې له له امله  ۳۰۰ ډېر کسان ژوند د لاسه ورکړی وو.

اندونیزیا د زلزلې او آتش فشان په کمربند کې موقعیت لري چې د "پاسیفیک د اور حلقې " په نوم یادیږي.