په امریکا کې پر هالنډي کومانډو سرتیرو وسله وال برید شوی دی.

په امریکا کې پر هالنډي کومانډو سرتیرو وسله وال برید شوی دی.

د هالنډ د دفاع وزارت له خوا په خپره شوې خبرپاڼه کې ویل شوي، چې د تېرې جمعې په شپه درې هالنډي کومانډو سرتیري چې د روزنې لپاره امریکا ته تللي وو، د هوټل مخې ته په ډزو کې ټپیان شوي دي.

په امریکا کې هالنډي کمانډو په ډزو ویشتل شوي دي. د هالنډ د دفاع وزارت له خوا په خپره شوې خبرپاڼه کې ویل شوي، چې د تېرې جمعې په شپه ۳ هالنډي کومانډو چې د روزنې لپاره د امریکا انډیانا ایالت انډیانا پولس ته تللي وو، د هوټل مخې ته په ډزو ټپیان شوي دي.

په خبرپاڼه کې ویل شوي، چې د یوه کمانډو روغتیايي حالت د اندېښنې وړ دی او پولیسو د پېښې په اړه پلټنې پیل کړې دي. د پېښې په تړاو تر اوسه څوک نه دي نیول شوي.

د انډیانا پولیس د ښار یو تن پولیس خبري رسنیو ته ویلي دي چې دا پیښه د هوټل په دننه کې نده رامنځته شوې. پیښه بهر رامنځته شوې ده.

هغه ویلي دي چې د پیښې په اړه پلټنې دوام لري.