ټرمپ د وژل شوي د ایران د اټومي ساینسپوه په اړه ټویټونه د خپلو تعقیب کوونکو سره شریک کړل
د امریکا متحده ایالتونو ولسمشر دونلد ټرمپ د ایران د اټومي پروګرام د مهمو څیرو نه د محسن فخري زاده د مرګ د خبر د خپرولو سره جلب توجه وکړه.
ډونلد ټرمپ چې د خپلې ولسمشرۍ د دندې پر مهال وخت نا وخته د ایران سره ښکر په ښکر شوی دی د نوموړي هیواد د اټومي ساینسپوه فخري زاده د مرګ خبر چې د اسرائیلي ژورنالست یوسي ملمان لخوا خپاره شوي ټویټونه د خپلو تعقیب کوونکو سره شریک کړل.
ټرمپ د اسرائیلي ژورنالست لخوا په عبراني او انګلیسي ژبه خپاره شوي ټویټونه چې پکې ویل شوي دي د ایران نه د رارسیدولو خبرونو له مخې محسن فخري زاده د تهران په ختیځ کې په دماوند کې د یو برید په نتیجه کې ووژل شو. د ایران د پټ اټومي پروګرام د مهمو څیرو فخري زاده چې د کلونو کلونو راهیسې د موساد لخوا لټول کیده وژنه د ایران لپاره د روحي او مسلکي له پلوه ډیر ستر ګوزار دی د خپلو تعقیب کوونکو سره شریک کړي دي.
د ټرمپ لخوا د ټولنیزې مډیا له لارې د دې ټویټونو خپرولو د فخري زاده د وژنې نه د ملاتړ کولو په توګه انعکاس کړی دی.
د بله پلوه د امریکا د استخباراتو پخواني مشر جان برنان چې د ایران په اړه د ټرمپ د سیاستونو سره يي سخت مخالفت کولو د ایران د اټومي ساینسپوه فخري زاده د وژنې نه د نړۍوالو حقوقو نه د سرغړونې او ستر جنایت په توګه یادونه کړې ده .
هغه د خپل ټویټر پاڼې له لارې په خپور کړي پیغام کې ویلي دي چې دا اقدام په ډیره بې پروا توګه ترسره شوی ډیر ستر جرم دی. د فخري زاده وژنه کیدای شي چې په سیمه کې تازه جنجالونو او نارامیو ته لاره هواره کړي.
د ویلو ده چې د ایران د اټومي پروګرام د مهمو څیرونو نه اټومي ساینسپوه محسن فخري زاده تیره ورځ د مازیګر په ساعتونو کې د پلازمینې تهران د آبسرد ولسوالۍ د دماوند په سیمه کې ووژل شو.
لومړی د نوموړي د موټر په مخکې چاودنه وشوه او وروسته پرې د نورو برید کوونکو لخوا ډزې وشوې.
په برید کې د سخت ټپي کیدو نه وروسته روغتون ته انتقال کړ. په روغتون کې د ډاکټرانو د ټولو هلو ځلو سره سره ژوند د لاسه ورکړ.
ایران ددې برید پړه پر اسرائیلو واچوله او ګواښ يي وکړ چې خامخا به ددې برید ځواب ورکړي.
اړوند خبرونه
اسپانیا د اسرائیلو پر خلاف یو بل مهم ګام اوچت کړ.
اسپانیا د عدالت په نړیواله محکمه کې د اسرائیلو پر خلاف د نسل وژنې په قضیه کې د ګډون پریکړه وکړه.