په تهران کې د انګلستان سفیر هیواد ته ستون شو

په تهران کې  د انګلستان سفیر مکایر چې  د جنوري په ۱۱ مه نیټه په تهران کې  د ایران لخوا په تیروتنه کې د ویشتل شوې  اوکرایني الوتکې  له امله په پیل شوو مظاهرو کې ګډون کړی وو او وروسته  د لنډه مودې لپاره د پولیسو لخوا نیول شوی او بیرته خوشې شوی وو  د ایران نه  جلا او انګلستان ته ستون شو.

د تسنیم خبري اژانس ویلي دي چې د انګلستان سفیر د ټولو  ډیپلوماتیکو قواعدو او قوانینو سره سم  د ایران نه  جلا شوی دی.

انګلیس سفیر  د پولیسو لخوا د بعضو تندلارو او ورانکارو ډلو د لمڅولو  او خلک مظاهرو ته د تشویقولو  په تور  د لنډې مودې لپاره د پولیسو لخوا نیول شوی وو.

هغه وروسته خوشې شوی وو.

د انګلستان د بهرنیو چارو وزیر دومینیک راب  په تهران کې  د پولیسو لخوا د انګلستان د سفیر  نیول  د ټولو نړۍوالو او ډیپلوماتیکو قواعدو  او تړونونو سره  په ټکر کې د یو عمل په توګه یادونه وکړه.

تهران بیا  د انګلستان سفیر  په تهران کې په غیرې قانوني  مظاهرو کې  د ګډون له امله  د انګلستان حکومت ته  خپل اعتراض  وړاندې کړ.

د بله پلوه د ایران د قضايي  قوېې ویاند  غلام حسین  اسماعیلي پرون  خبري غونډې ته ویلي وو چې  ولسمشر روحاني  د انګلستان د حکومت  نه مکایر  هیواد ته د ستنولو غوښتنه کړې وه.