د جرمني د هسن  په ایالت کې  یوې الوتکې سقوط کړی دی

د جرمني د سویلي هسن ایالت د امنیې قومندانۍ  د بیان په خپرولو سره ویلي دي چې  الوتکه  د هسن ایالت  د ارزهاوسن  هوايي دګر ته نږدې  په کرنیزه مځکه کې  لویدلې ده.

پولیسو ویلي دي چې  الوتکه د لویده سره په کامله توګه سوځیدلې ده . پدې پیښه کې  ۳ تنو ژوند  د لاسه ورکړی ږ

پولیسو ویلي دي چې د پلټنو په ترڅ کې تر اوسه پورې د الوتکې د پیلوټ او دوو تنو نورو مړي موندل شوي دي.

پولیسو زیاته کړې ده چې په الوتکه کې د روسیې د دوو تنو وګړو  په اړه  خبر ترلاسه کړی دی خو  مړي د هویت د تثبیت په خاطر  عدلي طب ته  وړل شوي دي.

د جرمني د ډي پ ای  خبري اژانس د خبر له مخې الوتکې د فرانسې نه د جرمني په موخه  الوتنه کړې وه چې د هسن ایالت  د ارزهاوسن  په ښار کې  لویدلې ده .

ویل کیږي  الوتکه  د اس ۷ هوايي شرکت  اړوند وه . یاد شوي شرکت ویلي دي چې پدې الوتکه کې د شرکت  خاوندې  ۵۵ کلنې  روس سوداګرې  ناتالیژا فیلژوا  سفر کولو چې  لویدلې ده .

د الوتکې د سقوط  لامل تر اوسه پورې ناڅرګند  دی  او په اړه يي تحقیقات پیل شوي دي.