د مالي  هیواد په شمال کې  د میناکا  په ښار کې  د عام وګړو قتل عام وشو.

د مالي نه د ترلاسه شوي رپوټ له مخې  وسله والو کسانو د هیواد په شمال ختیځ کې د میناکا په ښار کې په ملکي وګړو  برید وکړ چې په ترڅ کې  ۴۷ تنو ژوند  د لاسه ورکړی دی.

د مالي امنیتي سرچینو ویلي دي چې د ۹ نه  تر ۱۲ تنو پورې برید کوونکو د تسلاتین او تیناباو په سیمو کې  په ملکي وګړو بې رحمانه بریدونه کړي.

دا لا معلومه نده چې دا برید د چا لخوا شوی دی. همداشان برید کوونکو د قتل عام نه وروسته  د ۸۰ کیلومترو په لویوالي سره  سیمې ته اور اچولې  دی.

د سیمې  خلکو  په نوموړې پیښه کې د اغیزمن شوو خلکو په خاطر  په نوموړي هیواد کې میشت د ملګروملتونو د سوله ساتو ځواکونو نه  د مرستې غوښتنه کړې ده. همداشان  د سیمې خلکو  د سوله ساتو ځواکونو نه  یاده شوې مسله  د بشري حقونو اداراتو ته د انتقالولو غوښتنه هم کړې ده .

د ویلو ده چې  مالي  هیواد شمالي او مرکزي برخې  د ۲۰۱۲ کال راهیسې  د بیلتون غوښتونکو او ترهګرو  د بریدونو  شاهدي کوي.

د ویلو ده چې په مالي کې  میشت فرانسوي  او ۴ زره د ملګروملتونو د سازمان سوله ساتي ځواکونه  د امنیت په ټینګولو کې پاتې راغلي دي.