د بورما د ظالم پوځ پر خلاف لومړنی غبرګون فیسبوک وښود.
فیسبوک د روهینګیايي مسلمانانو نه د ملاتړ په برخه کې یو ډیر مهم ګام اوچت کړ
فیسبوک په بورما کې د پوځ لخوا د روهینګیايي مسلمانانو د عام وژنې په غبرګون کې د پوځ اړوند ځینې پاڼې او رسمي حسابونه وتړل.
فیسبوک پدې اړه په خپور کړي یو بیان کې ویلي دي چې د بورما د لوی درستیز د شخصي حساب او د پوځ د رسمي خبري ارګان او تلویزیون د رسمي حساب په ګډون ۱۸ شخصي حسابونه ، ۵۲ د فیسبوک پاڼې او یو هم د انستګرام حساب تړلی دی.
په بیان کې راغلي دي چې د ملګروملتونو سازمان لخوا په بورما کې د رامنځته شوو پیښو په اړه ټاکل شوي خپلواکه کمیسیون تیره ورځ د ترسره کړو تحقیقاتو رسمي پایلې اعلان کړې چې د نوموړو پایلو له مخې د بورما لوی درستیز او جګپوړي جنرالان د عملیاتو په بهانه د روهینګیایي مسلمانانو په عام وژنې تورن شوي دي.
په راپور کې راغلي دي چې پدې عام وژنو کې د بورما د لوی درستیز او جګپوړو جنرالانو رول د ورا ښکاره دی.
فیسبوک ویلي دي چې د پوځ اړوند د فیسبوک د حسابونو سربیره یو شمیر هغه حسابونه چې د روهینګیايي مسلمانانو پر خلاف تبلیغات کوي او خلک نفرت او کینو ته هڅوي هم تړل شوي دي.
فیسبوک ویلي دي چې دا حسابونه يي ځکه تړلي چې دوی د نړۍوالو حقونو نه سرغړونه کړې ده .
اړوند خبرونه
د روسیې ولسمشر ولادیمیر پوتین چین ته خپل دوه ورځنی سفر نن پیل کړ.
پوتین چین ته د خپل سفر نه مخکې د چینایي رسنیو سره هم مرکه وکړه.