په افریقا کې  یو تن  د خپل پلار  مړی  په قیمتي  او لوکس  موټر کې خاورو ته  وسپاره.

په افریقا کې  یو تن  د خپل پلار  مړی  په قیمتي  او لوکس  موټر کې خاورو ته  وسپاره.

د ډیلي میل ورځپاڼې د خبر له مخې  یو تن نایجریايي  سرمایه دار  د خپل پلار  مړی  د یو قیمتي موټر په منځ کې خاورو ته وسپاره.

په خبر کې راغلي دي چې  نایجریايی  سرمایه دار  د خپل پلار د جنازې د خښولو په خاطر  د تابوت پر ځای  د لوکس  او قیمتي موټر نه  کار اخیستی دی.

هغه ویلي دي چې  په ژوندانه يي  خپل پلار  د قیمتي او تیزرفتاره  موټر  ارمان  پوره کړی نه وو   چې اوس  غواړي  د هغه دا ارمان  پوره کړي.

په خبر کې راغلي دي چې  د ازوبویکه په نامه  نایجریايي  سرمایه دار  د خپل پلار مړی  په یو بي ام ډبلیو لوکس  موټر کې  خاورو ته وسپاره.

هغه ویلي دي چې د خپل پلار سره  هغه ته  د لوکس  او تیزرفتاره موټر د اخیستو  ژمنه کړې وه خو  وخت  ورسره یاري ونکړه او پلار يي  وفات شو.

هغه ویلي دي چې  د پلار د مرګ نه وروسته يي تصمیم  ونیو د هغه سره کړې ژمنه پر ځای کړي.

د ډیلي میل د خبر له مخې  د نوموړي نایجریايي  د پلاز د جنازې د مراسمو عسکونه په ټولنیزه مډیا کې د خپریدو سره  د میلیونونو تنو  پاملرنه  جلب کړې ده . د ټولنیزې مډیا  ډیر کارکوونکو  د یو احمقانه عمل بللی دی خو ځینو نورو بیا  د نایجریايي  کس نه  ملاتړ کړی دی.