د ناټو سازمان  د ترکیې د غړیتوب اړوند  رامنځته شوو ادعاګانو  او بې ځایه  بحثونو ته  د پای ټکی  کیښود

د ناټو سازمان  د ترکیې د غړیتوب اړوند  رامنځته شوو ادعاګانو  او بې ځایه  بحثونو ته  د پای ټکی  کیښود.

د ناټو سازمان  اعلان وکړ چې د ترکیې د غړیتوب اړوند هر ډول ادعا او بحث  بې ځایه  دی. د ناټو سازمان ویلي دي چې په ترکیه کې  د رامنځته شوې کودتا او وروسته پرمختګونو له امله په خبري رسنیو کې په ناټو سازمان کې د ترکیې د غړیتوب په اړه ځینې بې بڼسټه او ناسم  خبرونه  خپاره شوي دي  چې  ددې ټولو پر وړاندې  د ناټو دریځ معلوم  دی.

په څرګندونو کې راغلي دي چې  ترکیه  د ناټو سازمان د ګډو هلو ځلو سره  مرسته کوونکی  ډیر مهم  او ارزښتمند  غړی  او متفق هیواد دی. پداسې حال کې چې نړۍ د داسو ګواښونو سره مخامخ  ده چې تیرو نسلونو يي هم  شاهدي نده کړې  خو ترکیې تل  په ډیر اعتدال سره  د ناټو په ټولو پریکړو کې ونډه اخیستې  او بې سارې مرسته کړې . د ناټو په سازمان کې د ترکیې غړیتوب  د بحث وړ مسله نده  او پدې اړه هیڅډول  شک او تردد  شتون نلري.

په څرګندونو کې راغلي دي چې  د ناټو سازمان  په ګډ د دفاع، ډیموکراسۍ، فردي ازادیو، بشري حقونو او حقوقو ته د درناوي پر بڼسټ  ولاړ  یو سازمان  دی.

ناټو  سازمان  په ترکیې  پوره باور  لري  او ترکیه هم  د ناټو سازمان په همغږۍ  او مرستې  پوره باور لري.

ترکیه د ناټو د سازمان  د مهمو  متفقینو او مرسته کوونکو هیوادونو نه  دی.

د یادولو وړ ده چې په ترکیه کې د ناکامې کودتا نه وروسته ځینو لویدیځوال خبري رسنیو د ناټو په سازمان کې د ترکیې په غړیتوب  له سره د غور کیدو ادعا کړې وه. ځینو بیا ادعا کړې وه چې ناټو سازمان په پام کې لري د ترکیې غړیتوب وځنډوي.