هنیه : د فلسطین د ملي وحدت حکومت ته چمتو دي چې په غزه او لویدیځه غاړه کې په ګډه حکومت وکړي.

د فلسطین د اسلامي مقاومت غورځنګ حماس د سیاسي دفتر مشر اسماعیل هنیه ویلي، دوی د فلسطین د ملي وحدت حکومت ته چمتو دي چې په غزه او لویدیځه غاړه کې په ګډه حکومت وکړي.

اسماعیل هنیه د دسمبر په شلمه نیټه د مصر پلازمینې قاهرې ته له خپل سفر وروسته په حماس پورې اړوند د الاقصی په ټلویزیون کې خپور شوي ویډیويي پيغام کې د غزې وضعیت او پرمختګونو په اړه ارزونې کړي دي.

هنیه دې ته په اشارې سره چې حماس د فلسطین او نورو عربو ګوندونو له خوا د فلسطین د داخلي وضعیت په اړه ډیر نوښتونه پیل کړي دي.

"د لویدیځې غاړې او غزې تړانګې لپاره د ملي حکومت په اړه د موافقې سربیره، موږ تایید کړه چې موږ د فلسطین د ازادۍ سازمان  په چوکاټ کې د ډیموکراټیکو لارو او د ملي جوړښت د بیارغونې لپاره د ټولو ملي اجزاوو لپاره چمتو یو."

هنیه په دې خبرې ټینګار سره چې په غزه او لویدیځه غاړه کې د ملی وحدت حکومت تر رامنځته کیدو پورې هیڅډول ګډوډۍ ته اجازه ورنکړي او رامنځته به هم نشي. هغه  زیاته یې کړه اوس مهال پولیس او امنیتی ځواکونه په کار بوخت دی او حکومتي ادارې د شته سرچینو په سیوری کې په خپل توان سره کار کوی .

هنیه دې ته په اشارې سره چې د فلسطین د مسئلې په اړه نوی مقررات له حماس او نورو فلسطیني مقاومتي سازمانونو پرته د منلو وړ نه دي، د حماس په شمول فلسطیني ډلو څو ځله د غزې د تش په نامه راتلونکي لپاره ټولې حل لارې او سناریوګانې رد کړي دي. هغه د فلسطین داخلي جوړښت بیا تنظیم او د ملي یووالي حکومت د جوړولو غوښتنه وکړه.

اسماعیل هنیه په دې خبرې سره چې مصر او قطر حماس ته د غزې په تړانګه کې د اوربند په اړه نوښت او وړاندیز وړاندې کړ، ټینګار وکړ چې هغوې مثبت نظر ورکړی دی.

هنيه دې ته هم اشاره وکړه چې اسرائيلي بنديان به يوازې د فلسطيني مقاومت د شرايطو په چوکاټ کې خوشې شي.