اسرائیلو داځل په یوې کلیسا هوايي‌ برید وکړ

اسرائیلو تر روغتون وروسته دا ځل یوه کلیسا په نښه کړه. د ښار تر ټولو پخوانۍ کلیسا، چې لسګونه ملکیانو پکې پناه اخیستې وه، د اسرائیلو د توغندیو هدف شوه.

اسرائیلو د غزې په جنوب کې د سینټ پورفیریوس ارتودوکس پر تاریخي کلیسا هوايي برید وکړ.

د بیت المقدس ارتودوکس سرپرست وویل: "موږ دا برید په کلکه غندو. په خبرپاڼه کې راغلي،  د هغه ځای بمباري چې د بې ګناه ملکي وګړو د پناه ځای په توګه کارول کېږي او هوايي بریدونه چې له څو ورځو راهیسې روان دي، جنګي جنایت دی.

د ویلو ده چې دا کلیسا د  الاهلي روغتون ته نږدې موقعیت لري، چیرې چې په دې وروستیو کې ۴۷۱  کسانو خپل ژوند له لاسه ورکړی. کلیسا د هغو عیسویانو او مسلمانانو لپاره د پناه ځای په توګه کارول کیده چې د بریدونو له امله یې خپل کورونه له لاسه ورکړي.

ويل کيږي چې د بريد په نتيجه کې ګڼ شمېر کسان مړه او ټپيان شوي دي. پداسې حال کې چې تاریخي کلیسا ته جدي زیان رسیدلی، کلیسا ته نږدې یوه ودانۍ هم ویجاړه شوې.