په ژوند کې اسانتیاوې رامنځته کوونکې تصادفي اختراع ګانې

ویلهلم کونراډ رونټګن چې د ۱۸۹۵ میلادي کال  کې د نوامبر په یوه سړه شپه کې په خپل لابراتوار کې کار کولو، نه پوهیده چې هغه یوازې د طب په برخه کې بلکې حتی د فضا په څیړنه کې هم انقلابي څیړنه ترسره کوي. د هغه اصلي هدف د یو تش شیشه يي تیوپ په منځ کې د ځای په ځای کړو مختلفو پارچو باندې د بریښنا د اغیزو معلومول وو خو د طبیعت قوانینو هم هغه  او هم بشریت  دا اجازه ورکړه چې  خپل برخلیک بدل کړي. د ایکس رې مایشن وړانګې ، چې وروسته د ساینس پوه لخوا د رای په نوم ونومول شوه ، په دې تیاره لابراتوار کې د تصادف له مخې راڅرګند شو.

پروفیسور دوکتور ویلهیم کونراډ رونټګن چې د د ۱۸۴۵ میلادي کال د مارچ په ۲۷ مه نیټه  کې په آلمان کې زیږیدلی و، د میخانیکي انجینرۍ او فزیک په برخو کې کار کاوه او ډیری کلونه یې په مختلفو پوهنتونونو کې تدریس کاوه، د یوې تجربې په ترڅ کې د وموندله چې الیکترون ذرات د ټیسټ ټیوب شیشې سره د جنګولو په نتیجه کې  د fluorescence په نامه د فلش یا وړانګو سبب ګرځي. متجسس ساینس پوه خپله تجربه یو څه بدله کړه او د شیشې ټیوب یې په تور کارتن پوښ کړ او کوټه یې په بشپړه توګه تیاره کړه ترڅو د رڼا لیږد  باندې پوه شي. د دویمې تجربې په جریان کې، رونټګین د ټیسټ ټیوب څخه ۲ متره لرې د راډیو اکټیو بیریم موادو پوښل شوي کاغذ باندې وړانګه یا فلش ولید، او خپله تجربه یې څو ځله تکرار کړه او تل ورته پایلې ترلاسه کړې. رونټګن یوه نوې وړانګې وموندلې چې کولی شي د وجود داخلي برخو ته ورسیږي  او وروسته یې خپل اختراع ته "X-Ray" نوم ورکړ.

ویلهیم کونراډ رونټګن د خپلې نوې تجربې پایلې له خپلې ۲۳ کلنې مېرمنې انا برتها سره په ډېرې لېوالتیا سره شریکې کړې او د خپلې مېرمنې په مرسته یې لومړنۍ انساني تجربه ترسره کړه. انا برټا خپل لاس د راډیو اکټیو موادو او فلوروسینټ پلیټ ترمینځ کېښود ترڅو ازموینه وکړي د هغه د لومړي اختراع وروسته، ویلهلم کانراډ رونټګین ولیدل چې د مختلف ضخامت لرونکي مواد په مختلفو شدتونو کې رڼا لیږدوي. رونټګن شاوخوا یوه میاشت وروسته د ۱۸۹۵ کال د دسمبر په ۲۸ نیټه خلکو ته خپل نوی اختراع اعلان کړه، مګر هغه د خپل اختراع، چې میلیونونه ډالر ارزښت درلود، د امتیاز حق ترلاسه کولو نه ډډه وکړه. د هغه په ​​وينا، د ده نوې اختراع بايد ټولو خلکو ته په وړيا توګه وړاندې شي. د ميراث له لارې د هغه د مېرمنې شتمني هم په دې پرېکړه کې اغېزمنه وه.

د ایکس رې کار چې هغه کشف کړ، که څه هم په تصادفي ډول، ویلیلم کونراډ رونټګین په ۱۹۰۱ کال کې د فزیک په برخه کې د نوبل جایزه وګټلو، مګر په آلمان کې د لومړۍ نړیوالې جګړې وروسته د افراطیت دوره د دې لامل شوه چې رونټګن خپل وروستي کلونه په غربت کې تیر کړي. د ایکس ری وسیلې، چې په چټکۍ سره د اروپا په ډیری روغتونونو کې یو فکتور شو، د طب په ډګر کې د چټکو او نویو درملنې دروازې پرانستلې. اوس ډاکټران کولی شي خپل ناروغان د ایکس ری سره تشخیص کړي او د دوی په بدن کې د جرحې  پلي کولو پرته د درملنې پروسه پیل کړي. ډیری ساینس پوهان د ویلهیم کانراډ رونټګین کشف د عصري فزیک پیل ګڼي، او دا د عکس العمل وسیلو لکه کمپیوټري توموګرافي، الټراسونوګرافي، او مقناطیسي ریزونانس په ایجاد سره نوره هم پیاوړې شوه.

ایکس وړانګې، د ویلهیم کانراډ رونټګین لخوا کشف شوي، د وخت په تیریدو سره د طب له ساحې څخه بهر خپاره شوي او د ارزښتناکو معلوماتو ترلاسه کولو توان یې ورکړی، په ځانګړې توګه د فضا مطالعاتو کې. څرنګه چې ایکس وړانګې د الټرا وایلیټ په پرتله خورا لوړه انرژي او خورا لنډ امواج لري ، نو دوی د فضا په ژوره کې د ستورو ، تورو سورو او حتی کهکشانونو لیدو ته اجازه ورکوي .