ایا تاسې پدې پوهیدلۍ
ایا تاسې پدې پوهیدلۍ
ایا تاسو پوهیږۍ چې د تورکیې تر ټولو ترخه مرچ په هاتای ولایت کې کرل کیږي؟
ایا ستاسو ترخه خوښویږي؟
نن ورځ دا یو ثابت حقیقت دی چې ترخه مرچ بدن د ناروغیو څخه ساتي او په مغزو کې د خوښۍ هورمون ځای په ځای کوي.
د مرچو په تولید کې په نړۍ کې د ځانګړي موقف او ځای خاوند د تورکیې هاتای ولایت په تورکیه کې د ترخو مرچو اصلي ټاټوبی بلل کیږي. د تورکیې تر ټولو ترخه مرچ د هاتای ولایت د سمنداغ په ولسوالۍ کې کرل کیږي او تولیدیږي.
په نړۍ کې د مرچو د تریخوالي د مقیاس اسکویل له مخې د نړۍ تر ټولو ترخه مرچه ۵۰ زره اسکویل یواځې په سمنداغ ولسوالۍ کې کرل او تولیدیږي. د ویلو ده چې دا مرچ د هوا او اقلیمي شرایطو له امله یواځې پدې سیمه کې تولیدیږي.
د مرچو د تریخوالي مقیاس اسکویل په اصل کې تریخوالی نه بلکې په مرچو کې د کیپساسین په نوم د مادې ګرموالی چې په خوله کې تریخوالی رامنځته کوي اندازه معلوموي.
سمنداغ مرچ، چې نه یوازې په تورکیه کې بلکې په ټوله نړۍ کې د غوره مرچو څخه شمیرل کیږي، د پلن پوستکي، اوبلن او ډیر ترخو مرچو یو ډول دی. دا مرچ چې له پسرلي څخه تر دوبي پورې د انتقال په دوره کې وده کوي، ډېرې روغتیايي ګټې لري. دا تقریبا د هغو کسانو لپاره د درملو په څیر دی چې غواړي وزن کم کړي . په معدې کې د هضم او غوړ سوځولو اغیزې ډیرې لوړې دي. دا مرچ، چې په زیاته اندازه فایبر لري، قبضیت هم له منځه وړي. دا هم ادعا شوې چې سمنداغ مرچ، چې یو پیاوړی انټي اکسیډنټ دی، د زړه د ناروغیو لپاره ښه دی. دا د وجود د معافیت سیسټم هم پیاوړی کوي ځکه چې دا په زیاته اندازه ویټامین سي لري. سمنداغ مرچ، چې پوستکی روښانه او سالم ښکاري، د کولیسټرول کچه هم کموي. د دې ټولو ګټو سره سره، دا مرچ ډیر ترخه دي او هغه خلک چې د معدې او کولمو ناروغي لري باید په احتیاط سره وخوري. سپارښتنه کیږي چې سمنداغ مرچ چې په معدې او کولمو کې د خارخ لامل کیږي که چیرې په ډیر مصرف سره وخوړل شي ، د وینې فشار لوړوي. د لوړ وینې فشار ناروغان او میندوارې میرمنې باید دا مرچ ونه خوري.
