Челик Грецияны эскертти

Адилеттик жана өнүгүү партиясынын төрагаcынын орун басары жана партиянын басма сөз катчысы Өмер Челик, Грециянын Эгей жана Иония деңиздериндеги эки аймакты «деңиз паркы» деп жарыялоого карата мамилесин сынга алып: «Грецияны дипломатия жолунан тайбашы керектигин дагы бир жолу эскертебиз»,-деди.

Өмер Челик партиянын башкы кеңсесинде маалымат жыйынын өткөрдү.

Челик Грециянын 16-17-апрель күндөрүндө «Океандар конференциясын» уюштуруп, экологиялык иш-чаралар аты менен Эгей жана Иония деңиздериндеги эки аймакты «деңиз паркы» деп жарыялоого карата мамиле кылганын айтты.

Мунун нормалдашуу процессин саботаж кылган жана бир жактуу эрк менен деңиз паркын жарыялоо аркылуу экологиялык сезимталдыкты пайдаланган абал экенин баса белгилеп: «Грецияга дагы бир жолу дипломатия жолунан тайбашы керектигин, нормалдашууга зыян келтире турган кандайдыр бир кадамдын ташталбашы керектигин, ушул алкакта Иония жана Эгей деңиздериндеги аракеттерге Түркиянын эч кандай түрдө уруксат бербей турганын билдиребиз. Алар акыл-эстүүлүк менен мамиле кылып нормалдаштыруу процессин улантуу темасындагы эркибизди бекемдейбиз деп үмүттөнөбүз»,-деди.