Сомалинин президенти Түркия менен келишимге кол койду

Сомалинин президенти Хасан Шейх Махмуд Түркия менен өлкөсүнүн ортосундагы Коргоо жана экономикалык кызматташтыктын алкактык келишимине кол койгонун жарыялады.

Президент Махмуд X социалдык медиа эсебинен сөз болуп жаткан келишимге байланыштуу билдирүүлөрдү жасады.

Махмуд : «Сомали менен Түркиянын ортосунда бекитилген Коргоо жана Экономикалык Кызматташтык келишимине кол койдум. Бул тарыхый келишим улутубуздун коопсуз жана бакубат келечекке карай кеткен жолунда  жаңы баракты билдирет»,-деди.

Келишимдин бардык мыйзамсыз иштер менен күрөшүү тууралуу орток чечкиндүүлүктү камтыганын жана Сомалинин деңиз коопсуздугу үчүн зарыл экенин баса белгилеген Махмуд: «Тынчтык, ырааттуулук жана өнүгүүнү камсыз кылуу үчүн боордош Түркияга өз убагында көрсөткөн колдоосу жана чечкиндүүлүгү үчүн терең ыраазычылык билдиребиз»,- деди.  

Түркия менен Сомалинин ортосунда коргонуу жана коопсуздук темаларын да камтыган Коргоо жана экономикалык кызматташтыктын алкактык келишимине 8-февралда кол коюлду.

Экономикалык жана саясий маселелер болуп жаткан  Сомалиде террордук уюм Еш - Шабааб көптөгөн жылдардан бери коопсуздук маселесин жаратууну улантууда.