Блинкен Анкарада Фидан менен жолугушту

Тышкы иштер министри Хакан Фидан расмий иш сапары менен борбор шаар Анкарага келген АКШнын мамлекеттик катчысы Энтони Блинкен менен жолугушту.

Жолугушууда Газадагы абал, аймактык маселелер жана эки тараптуу карым-катнаштар каралды.

Болжол менен 2,5 саатка созулган жолугушуудан кийин эч кандай билдирүү жасалган жок.

Блинкен жолугушуудан кийин Тышкы иштер министрлигинен жөнөп кетти.

Ал арада Түрк жаштар биримдигинин мүчөлөрү Тышкы иштер министрлигинин имаратынын жанында мамлекеттик катчы Энтони Блинкендин Түркияга сапарына нааразылык билдиришти.

Анкара Палестина тилектештик платформасы да кечээ кечинде борборго келген Энтони Блинкенге АКШнын Анкарадагы элчилигинин алдында каршылык көрсөткөн.

Түркияга келээрден мурда Иракка күтүүсүз сапар жасаган АКШ министри борбор шаар Багдадда премьер-министр Мухаммед Шиа Судани менен жолугушкан. Бул сапарда Блинкендин ок өткөрбөгөн жилет кийип жүргөнү байкалган.