Түркия эртең добуш берет

Эртең Түркияда президенттик шайлоонун экинчи айлампасы үчүн добуш берилет.

Түркиянын саясий тарыхында биринчи жолу боло турган президенттик шайлоонун экинчи айлампасына добуш берүү Түркиянын бардык аймагында жергиликтүү убакыт боюнча саат 08:00дө башталып, саат 17:00гө чейин уланат.

Түркиянын 5 жыл кызмат кыла турган президентин белгилей турган шайлоодо 14-майда өткөн биринчи айлампада эң көп добуш алган Элдик альянстын талапкери Режеп Таййип Эрдоган менен  Кемал Кылычдароглу жарышат.

Чет өлкөлөрдөгү шайлоо тизмесине катталган 3,5 миллионго жакын шайлоочу үчүн 73 өлкөдө 151 өкүлчүлүктө 167 пунктта шайлоо үкөктөрүнүн комиссиялары түзүлдү.

Чет өлкөдөгү өкүлчүлүктөрдө добуш берүү процесси 24-майда аяктады. Чет өлкөдө колдонулган бюллетендер учактар ​​жана дипломатиялык курьерлер менен Түркияга алынып келинди.

Борбор шаар Анкарага алып келинген  добуштар эртең бүткүл өлкө боюнча добуш берүү процесси аяктагандан кийин башка добуштар менен бир убакта ачылып санала баштайт.

Белгиленген мөөнөттө жашаган өлкөсүндө добуш бере албагандардын бажы дарбазаларында добуш берүү процесси эртең саат 17.00гө чейин уланат.