IMECE спутнигинин космостук сапарына саналуу күндөр калды

Президент Режеп Таййип Эрдоган, ата мекендик жана улуттук ресурстар менен өндүрүлгөн биринчи жогорку чечмелөөдөгү байкоо спутниги IMECEнин 11-апрелде учурула турганын айтты.
Түркиянын спутник технологияларында чет өлкөгө көз карандылыгын азайта турган IMECE спутнигинин космостук сапары үчүн саналуу күндөр калды.
Президент Эрдоган социалдык медиа эсебиндеги билдирүүсүндө: «Ата мекендик жана улуттук ресурстар менен өндүргөн биринчи жогорку чечмелөөдөгү байкоо спутнигибиз IMECE 11-апрелде космостогу орбитага учурулат. Адам ресурстарыбыз, камсыздаган мүмкүнчүлүктөрүбүз жана иштеп чыккан технологияларыбыздын негизинде глобалдык космос жарышында бар болууну улантабыз»,-деди.
Бөлүшүүдө түрк желегинин эмодзилери жана IMECE өзгөчөлүктөрү көрсөтүлгөн сүрөт да камтылган.
TÜBİTAK Космостук технологияларды изилдөө институту (TÜBİTAK UZAY) тарабынан иштелип чыккан IMECE, 11-апрелде президент Эрдоган видео кайрылуу аркылуу катыша турган борбор шаар Анкарадагы аземде космостук ташууларды аткарган Space X тарабынан орбитага чыгарылат.
Учуруу Түркия убактысы боюнча саат 09:50дө ишке ашат.
680 километр бийиктикте күн менен бир убакта орбитада иштей турган IMECE географиялык чектөөсүз дүйнөнүн төрт бурчунан сүрөт жана видео тарта алат, Түркияга бутаны аныктоо жана диагностика, табигый кырсыктар, картага түшүрүү, айыл чарба колдонмолору сыяктуу көптөгөн тармактарда кызмат кылат.
IMECE 11-апрелде космостук транспорт компаниясы Space X тарабынан орбитага учурулат.