Чавушоглу Кахраманмараш жана Стамбулда жер титирөөдөн жабыркагандардын ал-абалын сурады

Тышкы иштер министри Мевлүт Чавушоглу 6-февралдагы жер титирөөдөн кийин Кахраманмараштагы иштерди карап чыкты.

Мевлүт Чавушоглу Түркоглу районундагы Кырсыктарды координациялоо борборунда жетекчилерден жер титирөөдөн кийин аткарылган иштер тууралуу маалымат алды.

Чавушоглу чатыр шаарында жер титирөөдөн жабыркагандар менен жолугушуп, алардын талаптарын жана көйгөйлөрүн укту.

Элдин муктаждыктарын жеринде көрүп, канааттандыргандарын белгилеген Чавушоглу, чатыр шаарчаларда окутуу жана психосоциалдык колдоолор берилгенине көңүл бурду.

Министр Чавушоглу жер титирөөдөн жабыркагандар жайгашкан балдар аянтчаларына да барды.

Чавушоглу Саламаттыкты сактоо министрлиги менен Улуу Британиянын Түркоглу районунда курулган эки талаа ооруканасына барып, кызматкерлерге ыраазычылык билдирди.

Тышкы иштер министри Чавушоглу кечээ Стамбулдагы профессор доктор Жемил Ташчыоглу оорукана шаарчасында дарыланган жер титирөөдөн жабыркагандардын ал-абалын сураганы барган.

Чавушоглу 6-февралда очогу Кахраманмарашта болгон жана 11 облуска таасирин тийгизген жер титирөөдө жабыркагандар менен баарлашып, дарыгерлерден алардын дарылануусу тууралуу маалымат алды.

Ошондой эле министр Чавушоглу Стамбулдагы Махмут Желалеттин Өктен студенттик жатаканасында жер титирөөдөн аман калгандар менен да жолукту.

Чавушоглу, жатаканада жер титирөөдөн жабыркагандар үчүн жүргүзүлгөн иш-чараларга байланыштуу жетекчилерден маалымат алды.