"1915 Чанаккале" көпүрөсү дүйнөлүк басма сөздө

Чанаккале кысыгында Европа жана Азия континенттерин биринчи жолу байланыштыра турган 1915 Чанаккале көпүрөсү, курулушунда колдонулган алдыңкы технологиясы жана жогорку техникалык өзгөчөлүктөрү менен Американын жума сайын жарыялануучу Engineering News-Record журналынын мукабасында орун алды.

Бүткөндө дүйнөнүн эң узун орто аралыктуу асма көпүрөсү наамына ээ боло турган 1915 Чанаккале көпүрөсү жана авто жолу, курулуш секторунун алдыңкы журналдарынан Engineering News-Recordдун 2021-жылдын 27-сентябрынан 4-октябрына чейинки жаңы санында 10 беттен турган атайын бөлүм менен түшүндүрүлдү.

Түрк фирмалары да алдыңкы сапта жайгашкан жана жыл сайын жарыяланган Дүйнөдөгү эң ири эл аралык курулушчулар тизмеси менен белгилүү болгон Engineering News-Record, көпүрө тууралуу ар тараптуу кабар даярдоо үчүн журналдын башкы редактору Айлин Чо Лос-Анжелестен Чанаккале шаарына барып жетекчилерден маалымат алды жана долбоордун аянттарын өз жеринде кыдырды.